काठमाडौं - नजिकिदै गरेको यसपालीको तीजको माहोल नेपाली चलचित्र ‘कोशेढुङ्गा’को नयाँ गीतले झनै तताएको छ । यो चलचित्रको ‘नत्र भने जिन्दगी’ बोलको पहिलो गीत गत साता सार्वजनिक भए सँगै देशविदेशमा रहेका नेपालीहरुले हजारौं भिडियो बनाएर तीजको माहोल तताइ दिएका हुन् ।
गीतले विवाहित र अविवाहित महिलाबीचको अन्तर र तीज पर्वको सांस्कृतिक पक्ष चित्रण गरेको छ । दर्शक र सामाजिक सञ्जाल प्रयोगकर्ता बीच यो गीतमा बनेका नृत्य क्लिप हटकेक बनेका छन् । मौलिक धुन, उत्सवमय नृत्य र आकर्षक कोरियोग्राफीले भरिएको गीत टिकटक र फेसवुक लगायत सामाजिक सञ्जालमा भाइरल भइरहेका भिडियोहरूमार्फत् झनै चर्चामा आएको कार्यकारी निर्मातामा दिनेश खड्काको भनाई छ ।
कथावस्तु, पूर्णबहादुरको सारंगी फेम्ड निर्देशक र तीजको माहोलमा हटकेक बनेको गीतका कारण पनि यो सिनेमा प्रतिक्षित बनेको छ ।
चर्चामा रहेको यो गीतको म्युजिक भिडियोको कोरियोग्राफी स्मृति तिमल्सिनाले गरेकीछिन् जसका केहि स्टेप निकै हिट भएका छन् । मिडियामा स्मृतिको कामको प्रशंसा भैरहेको छ । सिनेमामा पहिलो पल्ट काम गरे पनि कला क्षेत्रमा भने स्मृति तिमल्सिना अनुभवी नाम हो ।
यसैवीच यो गीतमा उत्कृष्ट नृत्य गर्नेलाई पुरस्कार घोषणा गरिए पछि भिडियो बनाउनेहरुमा झनै उर्जा भरिदिएको छ । युट्युबमा यस गीतलाई १३ लाखभन्दा बढी भ्युज आइसकेको छ भने दर्शकहरुले २० हजार भन्दा बढि भिडियो निर्माण गरेको निर्माण पक्षका मुख्य सल्लाहकार निदेश अधिकारीको भनाई छ । प्रतिस्पर्धामा अगस्ट २० सम्म सहभागीले भाग लिन सक्नेछन् । निर्माण टिमका अनुसार सहभागीले भाग लिदाँ ह्यास्ट्याग ‘नत्र भने जिन्दगी व्यर्थ छ’ मेन्सन गर्नु पर्नेछ । यसमा बेस्ट पर्फमेन्सले ३० हजार, मोस्ट क्रियटिभ भिडिओले २० हजार र मोस्ट लाइक भिडिओले १० हजार रुपियाँ जित्नेछन् ।
चलचित्र ‘कोशेढुङ्गा’को यही भाद्र १२ गतेदेखि नेपालसहित ४२ भन्दा धेरै देशमा एकसाथ रिलिज हुने भएको छ । फिल्मको निर्देशन गरेका छन् सरोज पौडेल, जसले यसअघि सफल चलचित्र ‘पूर्णबहादुरको सारंगी’ निर्देशन गरेर दर्शकमाझ पहिचान बनाएका थिए ।
निर्माता किशोर अनुराग भन्छन्, ‘कोशेढुङ्गा’ हाम्रो नेपालीपनको कथा हो । तीज गीतमार्फत् हामीले परम्परा र नयाँ पनको संयोजन ल्याएका छौं । दर्शकको यो साथले हामीलाई अझ आत्मविश्वास दिलाएको छ ।’ अनुराग नाट्य क्षेत्रमा लामो समय काम गरेर कैयौं राष्ट्रिय अवार्ड हात पारेका वरिष्ठ कलाकार तथा निर्देशक समेत हुन् ।
गीतमा खेम सेन्चुरीको संगीत र नेत्र अर्यालका शब्द छन् । सेन्चुरीसँगै समीक्षा अधिकारी र दीपिका बयम्बुले स्वर दिएका छन् । भिडिओमा मुख्य कलाकारहरू सुरक्षा पन्त, नीति शाह र ऋचा शर्मा फिचर्ड छन् ।
विशेषतः यो गीतले तीजको सांस्कृतिक र भावनात्मक पक्ष उजागर गरेको छ। परम्परागत तीज गीतहरू जसरी श्रीमान्, माइती र महिला भावनाको कथा बोल्ने शैली अहिलेका धेरै गीतमा हराउँदै गएको थियो।
फिल्ममा सुरक्षा, ऋचा र नीतिसहित आर्यन सिग्देल, मन्जिल कुमार, प्रवीण खतिवडा, सरोज खनाल, विशाल पहाडी, हिउवाला गौतम, दिनेश काफ्ले, लोकमणि सापकोटा लगायतको अभिनय रहेको निर्माण पक्षले जनाएको छ ।सामाजिक सञ्जालमा ‘तीज गीत भन्नासाथ याद आउने खालको परिपूर्ण प्रस्तुति’, ‘कोरियोग्राफी मात्र होइन, गीतको सम्पूर्ण टोन नै हिट छ ।’ ‘नयाँ फिल्म, नयाँ स्वाद, अबको तीज यसै गीतमा नाच्ने हो’ जस्ता टिप्पणी प्रयोगकर्ताहरुले गरिरहेका छन् ।
निर्माता किशोर अनुराग भन्छन्, ‘कोशेढुंगा हाम्रो नेपालीपनको कथा हो । तीज गीतमार्फत् हामीले परम्परा र नयाँपनको संयोजन ल्याएका छौं । दर्शकको यो साथले हामीलाई अझ आत्मविश्वास दिलाएको छ ।’
नरदेवी फिल्मसको प्रस्तुति र सारंगी फिल्मसको सहकार्यमा यो चलचित्र निर्माण गरिएको हो । कथावस्तु, पूर्णबहादुरको सारंगी फेम्ड निर्देशक र तीजको माहोलमा हटकेक बनेको गीतका कारण पनि यो सिनेमा प्रतिक्षित बनेको छ ।
‘कोशेढुङ्गा’लाई प्याट्रिक सुवेदी र रमेश ढकालको सेभेन सिज इन्टरनेसनलले अन्तर्राष्ट्रिय बजारमा वितरण गर्ने निर्माता प्रेविल कँडेलले जानकारी दिए । ।
प्रकाशित:
Wednesday, July 30, 2025 | 07:04:00 बुधबार, १५ श्रावण, २०८२
2025-06-30-03-54-53.gif)
